“Diwergent” franşizasynyň prodýuseri Puýa Şahbazýan emeli aň ulanmak arkaly “studiýada çykarylana doly meňzeş diýen ýaly” filmleri we hatda seriallary döretmek üçin Staircase Studios AI atly täze kinostudiýany açdy. Bu barada Hollywood Reporter habar berýär.
Kompaniýa eýýäm ilkinji taslamasy bolan “Çypar saçly aýal” filminiň ilkinji treýlerini hödürledi. Bu Ikinji Jahan urşy döwründe Niderlandlaryň garşylyk görkeziş hereketiniň hakyky ýaşap geçen agzasy barada dramadyr.
Film Pixar-yň öňki animatory Teddi Nýutonyň suratlaryna esaslanan emeli aň tarapyndan döredildi. Filmdäki gahrymanlara hakyky aktýorlar Maýa-Nika Býuli, Leander Wiweý, Angus Kasl-Douti we Jeffri Breton dagy ses berdi.
Staircase Studios AI-niň ýolbaşçylarynyň sözlerine görä, bu tehnologiýa doly göwrümli filmleri çykarmaga mümkinçilik berer, munuň üçin 500 müň dollardan köp pul gitmez.
Studiýa ýakyn üç-dört ýylyň içinde 30 töweregi film döretmegi meýilleşdirýär.
