Kaşaň awtoulaglaryň dizaýnyny dürlüçe üýtgedýän meşhur nemes týuning (awtobezeg) ussahanasy Tesla Cybertruck-yň üýtgedilen görnüşini hödürledi. Rolls-Royce, Lamborghini ýa-da Bugatti-däki ýaly, bu awtoulagda hem Mansory-niň hünärmenleri “özboluşlylygy” saýladylar.
1980-nji ýyllaryň ahyrynda döredilen meşhur atelýe öz işleri bilen, hatda awtoulaglaryň asyl döredijilerini hem geň galdyrýar. Cybertruck-yň dizaýny ýiti çyzyklar we goşmaça materiallar bilen bezelýär. Täze korpus öň we yzky bamperleri, teker arkalaryny giňeldijileri we Porsche 911 GT3-den ylham alan splitteri öz içine alýar.
Mansory-niň maglumatyna görä, energiýa sarp edilişi kWt sagada 2,4 mil (26.1 kWt/100 km) bolar.
Awtoulagyň salonynyň dizaýny müşderileriň isleglerine görä bolar. Olar boýaljak elementleri özleri saýlap, salony deriden ýa-da karbondan etdirip bilerler.
Häzirki zaman týuning ussahanalary ikä bölünýär: dinamikany gowulandyrýan we dizaýny. Mansory ikinjisini saýlap, şonsuzam gymmat awtoulaglary has hem kaşaň awtoulaglara öwürýär. Onuň Cybertruck-y Tesla-nyň kiberpank estetikasyna garşy çykýar.
