Şweýsariýa “Ýewrowideniýe-2025” aýdym-saz bäsleşigine işjeň taýýarlyk görýär. Ýurtda Lýumo ady bilen bäsleşigiň tumary hödürlendi. Mämişi-gök reňkli ýüregiň şekilindäki jandar bu aýdym-saz bäsleşiginiň täze ýüzi boldy.
Guramaçylar tumary “Ýewrowideniýäniň” urýan ýüregi” diýip atlandyrýar.
Tumaryň dizaýny soňky bölejigine çenli oýlanyldy. Onuň bulaşyk buýra saçlary bäsleşigiň şatlyk ruhuny alamatlandyrýar, uly gözleri we ýiti reňki bolsa Lýumonyň “aýdym-saz köpdürlüliginiň we bitewiliginiň ilçisi” hökmünde roluny görkezýär.
Lýumonyň döredilmegi Bazeliň sungat we dizaýn akademiýasy FHNW hem-de Bazeliň dizaýn mekdebi tarapyndan gurnalan açyk bäsleşigiň netijesi boldy. 36 talyp işinden eminler wizual aragatnaşyk fakultetiniň talyby, Hýunibahdan 20 ýaşly Linn Brýunneriň taslamasyny saýlady.
“Biz onuň döredijilige bolan hyjuwyna haýran galdyk” – diýip, eminler belledi.
2025-nji ýylyň maý aýynda Lýumo 13-nji maýda bäsleşik başlamazdan ozal ýaşaýjylary we myhmanlary garşylamak üçin Bazeliň köçelerine çykar. “Ýewrowideniýäniň” finaly 17-nji maýda geçiriler.
Şweýsariýa heniz ýurduň titulyny kimiň gorajakdygyny kesgitlemedi. Geçen ýyl oňa ýeňşi Nemo atly sazanda getiripdi.
