Şweýsariýanyň raýatlary 14-nji iýunda geçirilen referendumda ýurduň hemişelik ilatynyň sanyny 10 million adama çenli çäklendirmek baradaky başlangyja garşy ses berdi. Bu barada Şweýsariýanyň SRG SSR milli teleradiokompaniýasy habar berýär.
Sesleri sanamagyň netijesi boýunça, ses bermäge gatnaşanlaryň 54,8%-i bu teklibe garşy çykdy.
Bu başlangyç 2024-nji ýylda Şweýsariýanyň Halk partiýasy tarapyndan öňe sürlüpdi we ol ilatyň ösüşini 2050-nji ýyla çenli çäklendirmegi göz öňünde tutýardy.
Teklibiň awtorlary ilatyň köpelmeginiň infrastruktura, ýaşaýyş jaý bazaryna we sosial gurşawa goşmaça agram salýandygyny öňe sürüpdi. Olar bellenen çäkden geçilen ýagdaýynda, Ýewropa Bileleşigi bilen erkin hereket etmek baradaky ylalaşygy ýatyrmagy teklip edipdi.
Bu başlangyja garşy çykanlar bolsa munuň ykdysadyýete, zähmet bazaryna we Şweýsariýanyň ÝB bilen gatnaşyklaryna ýaramaz täsir edip biljekdigi barada duýdurdy. Ýurduň hökümeti we parlamenti hem bu teklibi ret etmegi maslahat berdi.
Referendum degişli şikaýat arzasyny 100 müňden gowrak raýat goldanyndan soňra bellenildi. 2025-nji ýylyň ahyryna çenli bolan maglumatlara görä, Şweýsariýanyň ilatynyň sany 9,1 million adama barabar.
