EPFL Inženerçilik mekdebiniň we Maks Plank institutynyň gözlegçileri çäkli ýerlerde ýüzüp we hereket edip bilýän kiçi roboty ýasadylar. Onuň agramy 6 gr bolup, ýumşak ýüzgüçleri ulanýar we özünden has agyr ýükleri daşamaga ukyplydyr.
"Robot gurçuklaryny” döretmäge alymlary deňiz gurçuklary ruhlandyryldy.
Gerbert Şi (EPFL): "2020-nji ýylda biziň toparymyz mör-möjek ululygyndaky özbaşdak süýrenýän robotlary görkezdi, ýöne suw gurşawynda hereket edip biljek robotlary döretmek düýbünden täze meseledi".
Adaty propeller esasly ulgamlardan tapawutlylykda, EPFL roboty özüni herekete getirmek üçin sessiz yrgyldaýan ýüzgüçleri ulanýar. Bu robota suwuň üstünde ýüzmäge we tebigy gurşawa aňsatlyk bilen uýgunlaşmaga mümkinçilik berýär.
Robot deňiz gurçuklaryndan 10 esse çalt hereket edýär we 12 sm/s tizlige ýetýär. Ol öňe, yza we gapdala ýüzüp bilýär. Onuň elektronikasy 500 mWt kuwwatda 500 wolt berýär, bu bolsa elektrik çotgasyndan 4 esse pesdir.
Robotda oturdylan duýgur datçikler gözüň funksiýasyny ýerine ýetirýärler we ýagtylyk çeşmelerini özbaşdak yzarlamaga mümkinçilik berýärler.
Alymlaryň aýtmagyna görä, robot daşky gurşawyň hapalanmagyna we oba hojalygyna gözegçilik etmek üçin peýdaly bolar.
