Hytaýyň Alibaba kompaniýasy ýakyn üç ýylda emeli aň we bulut tehnologiýalaryna 53 milliard dollar maýa goýmagy meýilleşdirýändigini mälim etdi. Bu maýa goýumlar soňky on ýylda kompaniýanyň bu ugurdaky ähli maýa goýumlaryndan ýokary bolar we tehnologiýa ýaryşynda onuň meýillerini mälim eder diýip, Overclockers belleýär.
Alibaba kompaniýasynyň baş direktory Eddi Wu AI-ni senagatdaky öwrülişik bilen deňeşdirip, ony “her nesliň paýyna bir gezek düşýän nesibe” diýip belledi. Bölünip berlen serişdeler önümleri ösdürmek we üçünji tarap guramalar üçin nerw ulgamlaryny döretmekde ulanylar.
Kompaniýanyň bulut hyzmatlaryna jogapkär Cloud Intelligence bölümi girdejiniň 11 göterim ösüşini, AI önümleri bolsa yzygiderli alty çärýekde üç belgili ösüşi görkezdi. 2025-nji ýylyň ýanwar aýynda, kompaniýanyň tassyklamagyna görä, Günbatar analoglaryndan has ýokary bolan Qwen 2.5-Max modeli hödürlendi.
Mundan başga-da, Alibaba Hytaýda amerikan brendiniň kadalaşdyryjy çäklendirmelerine sezewar bolan iPhone-nyň ulanyjylary üçin AI aýratynlyklaryny döretmekde Apple bilen hyzmatdaşlyk edip başlady.
Hünärmenleriň pikirine görä, Alibabanyň maýa goýumlary diňe bir günbatar bäsdeşlerinden öňe geçmek synanyşygy bolman, eýsem içerki kynçylyklara hem jogapdyr.
