Norwegiýanyň 1X kompaniýasy öý işlerine kömek etmek üçin niýetlenen täze modeli – Neo Gamma atly roboty hödürledi. Ol Neo Beta modeliniň ornuny çalyşdy.
1X robotlarynyň esasy aýratynlygy olaryň howpsuzlygyndadyr. Işläp düzüjiler adamlaryň, çagalaryň we öý haýwanlarynyň ýanynda arkaýyn hereket edip biljek roboty döretmäge çalyşýar.
Neo Gamma-nyň trikotaždan ýumşak örtügi bar. Robotyň tötänleýin zyýan ýetirip biljek uly we hereket edýän gurluş bolandygy üçin, bu örän wajypdyr. Işläp düzüjiler ähli bolup biljek howply ýagdaýlary öňünden görmäge synanyşýar.
Robot dürli öý işlerini ýerine ýetirip: arassalap, saçak ýazmaga kömek edip, goşlary bir ýerden başga bir ýere geçirip bilýär. Öňki model Neo Beta adamyň dolandyrmagynda tagam taýýarlamak başarnyklaryny-da görkezýärdi. Neo Gamma hem uzak aralykdan dolandyryş režimini goldar, bu bolsa mümkinçiligi çäkli adamlara ýa-da olaryň ýakynlaryna roboty dolandyrmaga mümkinçilik berer.
Roboty döredijiler şeýle kömekçileriň öý işlerini ýerine ýetirmekde kynçylyk çekýän garry adamlar üçin aýratyn zerur boljakdygyny belleýär. Şeýle-de bolsa, doly özbaşdak we howpsuz öý robotlary peýda bolýança, ýene köp işleri bitirmek gerek.
1X kompaniýasyny EA pudagynda öňdebaryjy bolan OpenAI kompaniýasy goldaýar.
