Türkmenistanda gümrük amallary boýunça pudagara duşuşyk geçirildi

  • 24.02.2025 14:51
  • 4.6k+

Türkmenistanyň Döwlet gümrük gullugynyň Merkezi edarasynda pudagara duşuşyk geçirildi. Bu barada edaranyň saýtynda habar berilýär.

Duşuşyga «Türkmendemirýollary» we «Türkmenawtoulaglary» agentlikleriniň işgärleri, «Türkmenistanyň Ulag-logistika merkezi» açyk görnüşli paýdarlar jemgyýetiniň, «Türkmen Logistika» Assosiasiýasynyň, Türkmen halkara awtoulagly daşaýjylarynyň assosiasiýasynyň agzalary we başga-da birnäçe halkara ýük daşamalary amala aşyrýan ulag-logistika kompaniýalarynyň wekilleri, Türkmenistanyň Senagatçylar we telekeçiler birleşmesiniň agzalary bolan, daşary ykdysady işine gatnaşýan telekeçiler hem-de gümrük dellallarynyň hünärmenleri gatnaşdy.
Duşuşygyň dowamynda gümrük serhediniň üstünden haryt dolanyşygynyň artdyrylmagyna ýardam berýän şertleri giňeltmegiň, şol sanda ýurdumyzyň çägine getirilýän harytlar barada elektron görnüşde deslapky maglumaty bermegiň, şeýle hem ygtyýarly ykdysady operatoryň hukuk derejesini almagyň ähmiýeti we tertibi bilen tanyşdyrdylar.
Şeýle hem Türkmenistanyň Döwlet gümrük gullugynda ulanylýan maglumat tehnologiýalary we sanly ulgam arkaly halkara ýük daşaýjylar tarapyndan deslapky maglumatyň berilmeginiň amaly mysallary görkezildi hem-de ýurdumyzdan eksport edilýän harytlaryň gümrük amallary, şunda döwlet edaralarynyň rugsatnamasy esasynda gümrük serhedinden geçirilýän harytlary resmileşdirmegiň aýratynlyklary aýdyňlaşdyryldy.


şu gün 20:42
500

BMGÖM Türkmenistan bilen hyzmatdaşlygy dowam etdirmäge ygrarlylygyny beýan etdi

4-nji awgustda Türkmenistanyň daşary işler ministriniň orunbasary Ahmet Gurbanow BMG-niň Baş sekretaryň kömekçisi, BMG-niň Ösüş Maksatnamasynyň (BMGÖM) Dolandyryjysynyň kömekçisi we Ýewropa we GDA üçin sebitleýin býurosynyň direktory Iwana Žiwkowiç bilen duşuşdy...

şu gün 20:07
634

Türkmenistan we MAGATE 2025–2029-njy ýyllar üçin çarçuwaly maksatnamasynyň taslamasyny maslahatlaşdylar

Türkmenistan Atom energiýasy boýunça halkara agentligi bilen (MAGATE) 2025–2029-njy ýyllar üçin Atom energiýasy boýunça halkara agentliginiň Türkmenistan üçin ýurt boýunça çarçuwaly maksatnamasynyň taslamasynyň ylalaşylmagyny ara alyp maslahatlaşdy...

şu gün 20:00
485

Türkmenistanyň we Somaliniň daşary işler ministrleriniň orunbasarlary hyzmatdaşlygy giňeltmek meselelerini maslahatlaşdylar

4-nji awgustda Türkmenistanyň daşary işler ministriniň orunbasary Ahmet Gurbanow Somali Respublikasynyň daşary işler we halkara hyzmatdaşlyk ministriniň orunbasary Isaak Mohamud Mursal bilen duşuşyk geçirdi. Türkmenistanyň...

şu gün 19:55
2.9k+

Deňze çykalgasy bolmadyk ösüp barýan ýurtlaryň liderleri Türkmenistana gelmegini dowam edýärler

Hazaryň türkmen kenaryndaky "Awaza" milli syýahatçylyk zolagy BMG-niň Deňze çykalgasy bolmadyk ösüp barýan ýurtlar boýunça üçünji maslahatynyň (LLDC3) myhmanlaryny kabul etmegini dowam edýär. Foruma BMG-niň agza döwletleriniň ýokary wezipeli wekilleri, halkara guramalarynyň hem-de işewür toparlaryň wekilleri gatnaşýarlar...