Germaniýanyň paýtagtynda ýubileý 75-nji Berlin kinofestiwaly tamamlandy. Baş baýragy – “Altyn aýyny” şu ýyl norwegiýaly režissýor Dag Ýohan Hýougerudyň trilogiýasynyň jemleýji bölegi bolan “Arzuwlar” (Мечты) filmi aldy.
Režissýor filmde adam gatnaşyklarynyň we jemgyýetçilik kadalarynyň çylşyrymlylygyny seljerýär. Film FIPRESSI baýragyna-da mynasyp boldy.
Berlinaleniň emin agzalarynyň gran-prisi režissýor Gabriel Maskaronyň “Gök ýoda” (Голубая тропа) filmine berildi.
Iň gowy režissýorlyk işi üçin “Kümüş aýy” baýragyny hytaýly režissýor Men Hoa aldy. Onuň “Ýerdäki ýaşaýyş” (Жизнь на земле) filmine ýokary baha berildi.
Iň gowy keşp üçin baýragy “Eger aýagym bolan bolsa, seni deperdim” filmi (Если бы у меня были ноги, я бы тебя пнула) üçin Rouz Birn aldy. Ikinji plandaky iň gowy keşbi ýerine ýetiriji diýlip amerikaly Riçard Leinkleýteriň “Gök Aý” filmi (Голубая луна) üçin Endrýu Skott ykrar edildi. Bu film ekumeniki eminleriň hem baýragyny aldy.
Iň gowy ssenariý üçin “Kümüş aýy” rumyniýaly režissýor we ssenariçi Radu Žude berildi (“Kontinental ’25”).
Şu ýyl kinofestiwalyň emin agzalarynyň başlygy režissýor Todd Heýns (“Kerol”, “Maý dekabr”) boldy.
Berlin kinofestiwaly Kann we Wenesiýa bilen bir hatarda iň abraýly global kinofestiwallaryň biri hasaplanýar. Ol 1951-nji ýyldan bäri geçirilýär.
