5G tehnologiýasy Türkmenistanda ilkinji gezek Arkadag şäherinde synag ediler

  • 23.02.2025 17:58
  • 9.8k+

22-nji fewralda Türkmenistanyň Halk Maslahatynyň Başlygy Gurbanguly Berdimuhamedow Arkadag şäherinde synag görnüşinde gurnalan 4G+ ýokary tizlikli internet ulgamyny işe girizmäge ak pata berdi. Ýakyn wagtda bu ýerde 5G tehnologiýasynyň işi ýola goýlar. Bu barada “Watan” habarlar gepleşiginde habar berildi.

Ministrler Kabinetiniň ýanyndaky ulag we kommunikasiýalar agentliginiň Baş direktory  B.Çakyýew şeýle hem Gurbanguly Berdimuhamedowyň garamagyna ilkinji gezek Arkadag şäherinde ornaşdyryljak 5G tehnologiýasynyň aýratynlyklary, onuň gurşap alýan çägi we bu tehnologiýanyň degişli düzümler we pudaklar üçin ähmiýeti barada hasabat berdi.
Bellenilişi ýaly, 5G tehnologiýasyny Arkadag şäherinde işe goýbermek boýunça “Türkmenaragatnaşyk” agentligi tarapyndan degişli işler  geçirildi. 5G tehnologiýasyny bu ýerde synag görnüşinde goýbermek üçin Hytaý Halk Respublikasynyň “Huawei” kompaniýasyndan birnäçe binýatly aragatnaşyk bekedi gelip gowuşdy. 5G tehnologiýasynyň maglumat geçirijiligi ýokary bolup, onuň ygtybarly we durnukly birikmeleri üpjün edýändigi bellenildi. Bu innowasion tehnologiýada bir kilometr inedördül meýdançada ýüz müňlerçe enjamlary birikdirip, sazlaşykly işletmek mümkinçiligi bar.
Şeýle hem hasabatyň dowamynda täze şäheriň “akylly” şäher we “akylly” öý ulgamlarynyň, önümçilik toplumlarynyň, saglygy goraýyş, bilim, senagat we oba hojalyk pudaklarynyň işini sanly ulgam arkaly dolandyrmakda 5G tehnologiýasynyň mümkinçilikleriniň artykmaçlyklaryna üns berildi. Arkadag şäherinde degişli ýokary tizlikli internet ulgamynyň ornaşdyrylmagy şäheriň ähli künjegini 5G tehnologiýasynyň mümkinçilikleri gurşap alar. Bu bolsa dürli ugurlar boýunça amala aşyrylýan işleriň sazlaşykly we dürs ýerine ýetirilmeginiň baş şertini üpjün eder.
5G tehnologiýasynyň aragatnaşyk ulgamynyň «TürkmenÄlem 520 E»  emeli aragatnaşyk hemrasynyň mümkinçilikleri esasynda işlemegi ýygylyk zolagynyň işiniň  degişli derejede alnyp barylmagyny üpjün eder.
Gurbanguly Berdimuhamedow bu ýerde 5G tehnologiýasynyň işini ýola goýmak boýunça birnäçe maslahatlaryny we degişli tabşyryklaryny berdi.
Şeýle hem türkmen halkynyň Milli Liderine “Türkmenaragatnaşyk” agentliginiň 5G tehnologiýasynyň işini dolulygyna beýan edýän wideofilm görkezildi. Onda täze tehnologiýanyň aýratynlyklary, onuň gözegçilik, gorag we dolandyryş ulgamlarynyň işi hem-de bu tehnologiýanyň ornaşdyrylmagy meýilleşdirilýän pudaklaryň mümkinçilikleri degişli görnüşler arkaly beýan edilýär.


şu gün 16:38
2.5k+

Gurbanguly Berdimuhamedow adyndaky haýyr-sahawat gaznasynyň müdiriýetiniň mejlisi geçirildi

15-nji martda Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti O.Atabaýewa Gaznanyň müdiriýetiniň agzalarynyň...

şu gün 16:30
2.2k+

Gurbanguly Berdimuhamedow adyndaky haýyr-sahawat gaznasynyň wise-prezidenti ÝUNISEF-niň wekili bilen duşuşdy

15-nji martda Arkadag şäherinde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti O.Atabaýewan  Birleşen Milletler...

düýn 06:36
10k+

Türkmenistanda harby gullukdan boşatmak we nobatdaky çagyrylyş yglan edildi

Prezident Serdar Berdimuhamedow “Çagyryş boýunça harby gullugy geçýän harby gullukçylary Türkmenistanyň Ýaragly Güýçlerinden, beýleki goşunlaryndan we harby edaralaryndan harby gullukdan boşatmak we Türkmenistanyň...

düýn 06:25
2.2k+

Ulag-üstaşyr geçirmek we logistika meseleleri boýunça türkmen-gyrgyz bilelikdäki topary dörediler

14-nji martda geçirilen Hökümet mejlisinde Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew Türkmenistan bilen Gyrgyz Respublikasynyň arasynda logistika ulgamynda hyzmatdaşlygy...