Arkadag şäherinde Polatly binasyndan “Taýçanak” halkalaýyn aýlawly ýola çenli aralyga uzaýan ýoly ussat seýis Aba Annaýew şaýoly diýip atlandyrmak teklip edilýär. Bu teklibi Arkadag şäheriniň häkimi G.Mämmedowa Türkmenistanyň Halk Maslahatynyň Başlygy Gurbanguly Berdimuhamedowyň dykgatyna ýetirdi. Türkmen halkynyň Milli Lideri 22-nji feeralda Arkadag şäherine nobatdaky iş saparyny amala aşyrdy.
Bellenilişi ýaly, bu teklip Arkadag şäheriniň ýaşaýjylaryndan we jemgyýetçilik guramalarynyň wekillerinden gelip gowuşdy.
Gurbanguly Berdimuhamedow täze şäheriň Polatly binasyndan “Taýçanak” binasyna çenli bolan aralykdaky ýoluň hem-de “Taýçanak” binasynyň açylyş dabaralaryna hemmetaraplaýyn taýýarlyk görülmelidigini belledi. Täze ýola Aba Annaýewiň adyny dakmak baradaky teklibiň Halk Maslahatynyň garamagyna hödürlenmelidigini belledi.
Şeýle hem Arkadag şäheriniň häkimi G.Mämmedowa Halkara zenanlar güni mynasybetli köp çagaly maşgalalara ähli amatlyklary özünde jemleýän döwrebap ýaşaýyş jaýlarynyň açarlarynyň gowşuryljakdygyny aýtdy.
