Türkmenistanyñ Döwlet gümrük gullugy gümrük düzgünleri baradaky ilkinji ykjam goşundysyny işe girizdi. Taslama Ýewropa Bileleşigiñ hemaýaty bilen Merkezi Aziýada serhetleri dolandyrmak maksatnamasy (BOMKA-10) bilen hyzmatdaşlykda amala aşyryldy. Bu barada "Neýtralnyý Türkmenistan" gazetinde habar berilýär.
19-njy fewralda Aşgabatda ykjam goşundynyň tanyşdyrylyşy geçirildi. Goşundy ulanyjylara fiziki we ýuridiki şahslar üçin gümrük amallary barada döwrebap maglumatlary, kadalaşdyryjy resminamalary, gadagan edilen harytlaryň sanawyny, gümrük araçylary bilen habarlaşmak üçin maglumatlary, şeýle hem nyrhnamalaryň onlaýn-hasaplaýjylaryny we ýolagçy beýannamalary onlaýn-tertipde doldurmak mümkinçiligini hödürleýär.
Işiñ dowamynda gümrük gullugynyň zerurlyklary göz öñünde tutuldy, önümiñ özi bolsa iOS we Android üçin uýgunlaşdyryldy. 2024-nji ýylyň fewral aýyndan başlap goşundyny 8 müň adam ýükläp aldy, olardan Gazagystanyň, Özbegistanyň, Türkiýäniň we beýleki ýurtlaryň müň ulanyjysy bu hyzmatdan işjeň peýdalanýar.
BOMKA maksatnamasynyň taslamasynyň utgaşdyryjysynyň orunbasary Wladimir Zagusowsyň aýtmagyna görä, goşundy gümrük amallaryny aňsatlaşdyrýar hem-de söwdanyň we syýahatçylygyň ösüşine ýardam bermek bilen, türkmen, rus we iňlis dillerinde gerekli maglumat elýeterliligini üpjün edýär.
Goşundy Google Play we App Store-da mugt elýeterlidir.
