Barlagçylar Ýerdäki GPS, elektrik torlary we awiasiýa ýaly tehnologiýalara zeper ýetirip biljek geomagnit hadysalary barada öňünden duýduryş bermek üçin Gün ýelkenli hemralary ulanmagy teklip edýärler diýip, Space.com habar berýär.
Bu hemralar magnit hadysalaryny döredýän Gün ýellerini häzirki bar bolan ulgamlardan 50% ir kesgitläp bilerler.
Milli umman we atmosfera barlaglary müdirliginiň (NOAA) we NASA-nyň barlag topary Gün fotonlarynyň basyşy bilen hereket edýän Gün ýelkenlerini ulanýan hemralary döretmegiň üstünde işleýär. Bu çözgüt çykdajylary ep-esli azaldar, sebäbi şeýle hemralar ýangyç talap etmeýär.
Alymlaryň esasy maksady hemralary Güne Ýerden 1,5 million kilometr uzaklykda ýerleşýän häzirki Lagranža L1 nokadyndanam has ýakyn ýerleşdirmekden ybarat.
Zarýadly bölejiklerden ybarat Gün ýelleri elektron enjamlaryň işleýşine zeper ýetirip biler. Irki duýduryş zyýanly netijeleri azaltmaga kömek eder.
Solar Cruiser taslamasynyň çäklerinde işlenip düzülen ýelkenler dört bölege bölner we umumy meýdany 1653 inedördül metr ýeri eýelär. 2026-njy ýylyň fewral aýynda hemrany işläp taýýarlamagy tamamlamak we 2029-njy ýylda bolsa uçurmak meýilleşdirilýär.
