Britaniýanyň BP nebit ägirdi çalgy materiallaryny öndürýän Castrol bölümini satmak mümkinçiliklerine seredýär. Habarly çeşmelere salgylanýan Bloomberg News-yň bellemegine görä, bu brendiň bahasy 10 milliard dollar töweregi bolup biler.
Kärhanany satmak BP-iň göz öňünde tutýan ençeme wariantlaryndan biridir. Bölüm potensial satuw üçin Elliott Management girdeji gaznasy tarapyndan kesgitlenen aktiwleriň sanawyna girýär.
Geçen hepde Elliott-yň iri aktiw satuwy maksatnamasyny öz içine alýan 5% paýyny 3,7 milliard ýewro (4,7 milliard dollar) alandan soň, amallaryny üýtgetmek üçin nebit kompaniýasyndan düýpli çäreleri talap edýändigi ýüze çykdy.
Bir hepde öň BP dördünji çärýekdäki girdejisiniň, geçen ýyl bilen deňeşdirilende, 61% kemelendigini habar berdi. Bu pandemiýa bilen bagly çäklendirmeler 2020-nji ýylyň dördünji çärýeginde nebite bolan islegi peseldeni bäri iň erbet görkeziji boldy.
BP 26-njy fewralda maýadarlaryň çäresi bolan Maýa bazary gününde Castrol-yň satylýandygyny yglan edip biler. Çeşmeler bu işi bölüp aýyrmak barada gutarnykly karara gelinmändigini nygtaýarlar.
BP Castrol awtoulag, awiasiýa, suw we demir ýol ulaglary hem-de senagat pudagy üçin ýokary hilli ýaglary we tehniki suwuklyklary öndürýär. Bu söwda brendi dünýäniň 150-den gowrak ýurdunda müşderilere hyzmat edýär.
