Meta hojalyk işlerini ýerine ýetirmäge ukyply gumanoid robotlaryny işläp taýýarlamak üçin topar döredilýändigini habar berdi. Bu barada kompaniýanyň işgärlere iberen hatyndan belli boldy. Mundan öň Meta-nyň meýilnamalary barada Bloomberg agentligi habar beripdi.
Bu taslama General Motors-da Cruise sürüjisiz awtomobiller bölümçesiniň öňki baş müdiri Mark Uitten ýolbaşçylyk eder. Ol mundan öň Unity Software-de we Amazon.com-da ýolbaşçy wezipelerini eýeläpdi.
Kompaniýa bu taslama ep-esli maýa goýar. Topar 100 töweregi hünärmenden ybarat bolar.
Meta EA-da we maglumatlary işlemekde gazanyljak üstünlikleriň gumanoid robotlaryň ösüşini çaltlaşdyrjakdygyna ynanýar.
Ol EA infrastrukturasyna we robototehnika 65 mlrd dollar sarp etmegi meýilleşdirýär. Kompaniýa robotlary işläp taýýarlamak üçin platforma döredip, bu ugurda öz Llama EA modellerini ulanmagy göz öňünde tutýar.
Şeýle-de bolsa, kompaniýanyň belleýşi ýaly, gumanoid robotlar giňden elýeterli bolýança ýene birnäçe ýyl gerek bolar.
