Dizel hereketlendirijilerden kem-kemden ýüz öwrülýändigine garamazdan, sürüjileriň aglabasy entegem tygşytlylygy we ýokary öwrüm pursady (tork kuwwaty) üçin şony saýlaýar. WhatCar neşiriniň bilermenleri ýüze çykýan näsazlyklaryň ýygylygyny, abatlaýyş çykdajylaryny we eýeleriniň teswirlerini seljerip, iň ygtybarly dizel awtoulaglaryň reýtingini düzdi.
Reýtingiň lideri 98,6% ygtybarlylyk görkezijisi bilen Renault Kadjar (2015-2022) boldy. Eýeleriniň bary-ýogy 12%-i näsazlyklar bilen ýüzbe-ýüz bolupdyr. Esasy meseleler bolsa elektronika we asma ulgam bilen bagly bolupdyr. Dilerler ähli näsazlyklary mugt düzedip beripdirler, abatlaýyş bolsa bir günden uzak dowam etmändir.
Ikinji orunda 96,5% ygtybarlylyk görkezijisi bilen BMW 3-Series (2012-2019) ýerleşýär. Eýeleriniň takmynan 15%-i akkumulýator, kuzowyň bölekleri we asma ulgam bilen bagly näsazlyklary belläp geçdiler. Olaryň ýarysynda abatlaýyş çykdajylaryny BMW öz üstüne alypdyr, galan ýagdaýlarda bolsa ulaglaryň eýeleri 200 funt sterling (takmynan, 250 dollar) möçberde çykdajy etmeli bolupdyrlar.
Üçünji orunda bolsa 96% ygtybarlylyk görkezijisi bilen BMW 3-Series (G20, 2019-njy ýyldan bäri) ýerleşýär. Eýeleriniň 17%-e golaýy hereketlendirijiniň elektronika ulgamy we kuzowyň bölekleri bilen bagly kemçilikler bilen ýüzbe-ýüz bolupdyr, ýöne olaryň hemmesi uly çykdajylar bolmazdan çözülipdir.
Top-10 sanawa giren beýleki modeller bolsa degişlilikde Skoda Kodiaq (94,7%), Skoda Superb (92,9%), Volvo XC60 (92,6%), BMW X3 (92,4%), Mercedes-Benz GLC (92,3%), Ford Focus (89,7%) we Mazda CX-5 (88,5%) boldy.
Bu modeller öz ygtybarlylygyny we uzak möhletleýin hyzmat ediş ukyplaryny subut edip, dizel awtoulaglaryň arasynda iň gowy saýlaw bolup galmaga dowam edýärler.
Остальные модели распределены в рейтинге в следующем порядке:
- ·Skoda Kodiaq (94,7%)
- ·Skoda Superb (92,9%)
- ·Volvo XC60 (92,6%)
- ·BMW X3 (92,4%)
- ·Mercedes-Benz GLC (92,3%)
- ·Ford Focus (89,7%)
- ·Mazda CX-5 (88,5%)
