BMW kompaniýasy Neue Klasse dizaýnly we iň täze tehnologiýaly täzelenen M5 modelini çykarmaga taýynlaýar. BMW M5-iň häzirki nesli bir ýyl mundan ozal çykypdy, muňa garamazdan Bawariýanyň awtoulag öndürijisi eýýäm onuň täzelenen wersiýasynyň üstünde işleýär. Golaýda geçen ýol synaglary mahalynda geljekki täze modeliň nusgasy göze ildi. Ulagy şeýle ir gaýtadan işlemeginiň sebäbi, geljekki modelleriň fonunda ulagyň daşynyň köne görünmeginiň öňüni almak üçin, kompaniýanyň modeli täze dizaýn düşünjesine laýyk getirmek islegi bilen baglydyr.
Esasan, awtoulagyň öň tarapy üýtgär. M5 Neue Klasse düşünjesi bilen ylhamlanan täze radiator gözenegini alar, indi ol birneme gysga bolar we akgynlylyk bilen täzeden işlenen baş optika geçer. Öň bamperi hem üýtgär. Onda täze merkezi howa çekiji peýda bolar, şeýle hem aşaky proýomy häzirki M2-niň dizaýnyny ýada salýan V görnüşi alar.
Awtoulagyň yzky bölegi tanyş görnüşini saklar, ýöne bamperde we yzky çyralarynda azajyk üýtgeşmelere garaşyp bileris. Synag edilýän prototipinden çen tutsaň, diffuzorynyň agressiwligi peseler, ýöne gutarnykly dizaýny galyň astynda astynda gizlenýär.
BMW M5-iň salony hem täzelener. Hususan-da, Operating System X-e esaslanýan täze Panoramic iDrive multimediýa ulgamynyň ornaşdyrylmagyna garaşylýar. Mundan başga-da, adaty iDrive dolandyryjysynyň ornuny tutjak täze köp funksiýaly rul peýda bolar.
Tehniki bölegi barada aýdylanda bolsa, güýç gurluşynda düýpli üýtgeşmelere garaşylmaýar.
Täzelenen BMW M5-iň resmi ilkinji görkezilişi ýakyn aýlarda bolar, bu model bazara 2025-nji ýylda çykyp biler.
