Doňan ýollarda howpsuzlyk üçin tikenli gyşky tekerler zerur, ýöne olar asfalt ýollaryny zaýalap, ony howany hapalaýan we saglyga zyýan ýetirýän ownujak bölejiklere dargadýar. Şwesiýaly alymlar adaty kobalt tikenlerini demir-nikel ergininden ýasalan tikenler bilen çalyşmagy teklip etdi.
Tribology International (TribInt) ylmy žurnalynda neşir edilen gözleg demir-nikel ergininiň hem buzda kobalt ýaly netijelidigini, ýöne şol bir wagtyň özünde onuň ýetirýän zyýanynyň ep-esli azdygyny görkezdi.
Häzirki günde ulanylýan kobalt tikenler asfaltdan iki esse gaty we -40 °C temperaturadaky buzdan dokuz esse gatydyr.
“Kobalt – arzan çözgüt, ýöne ol ýol örtügi üçin has gödek” – diýip, professor Ulf Olofsson düşündirdi.
Alymlaryň aýtmagyna görä, teker tikeniniň iň laýyk gatylygy asfaltyň gatylygyndan sähel, 20-30% geçmeli.
Häzir alymlar demir-nikel ergininiň kobaltyň ornuny tutmak üçin näderejede çydamlydygyny öwrenýär.
