Volvo özüniň XC90 krossoweriniň ikinji nesliniň millionynjy nusgasynyň goýberilendigini habar berdi. Ýubileý modeli Şwesiýadaky zawodyň konweýerinden çykdy.
Krossower model hatarynda 2002-nji ýylda peýda bolupdy. Ikinji nesil 2014-nji ýylda tanyşdyrylypdy we häzirem meşhur bolmagynda galýar.
2024-nji ýylda XC90 bazardaky ömrüni uzaltmaly täzelenmäni aldy. Şol bir wagtyň özünde, Volvo şol bir segment üçin niýetlenen we elektrik ulaglary halaýan alyjylar üçin alternatiwa boljak doly elektrikli EX90 modelini hödürledi.
2024-nji ýyl satuw boýunça XC90 üçin rekord ýyl boldy we 2025-nji ýylda bu kompaniýa eýýäm 44 384 sany awtoulag satdy. Niderlandlarda bu model Audi Q7, Mersedes-Benz GLE we BMW X5 ýaly bäsdeşlerden öňde barýar.
Elektrikli awtoulaglara bolan gyzyklanmanyň artýandygyna garamazdan, XC90 esasanam maşgala ulagy hökmünde islegli bolup galýar. Onuň durnukly satuwy güýçli hereketlendirijileri we häzirki zaman tehnologiýalaryny utgaşdyrýan awtoulaglara bolan gyzyklanmanyň uludygyny nygtaýar.
XC90 modeli brendiň taryhynda möhüm orny eýeleýär we onuň portfelinde möhüm orun tutmagyny dowam etdirýär.
