Hytaýda elektrik energiýasyny öndürmäge ukyply emeli ýaprak döredildi

  • 13.02.2025 13:29
  • 2.5k+

Hytaýly alymlaryň topary hakyky ösümligiň wezipelerini ýerine ýetirip bilýän emeli ýapragy döretdi. Ol Gün şöhlesini elektrik toguna öwürýär diýip, Interesting Engineering habar berýär.

Ýapraklar tebigy elektrik stansiýasy mysaly, sebäbi olar Gün şöhlesini, CO2-ni we suwy ulanyp, fotosintez arkaly energiýa öndürýär. Soňra olar bu energiýany kislorod öndürmek üçin ulanýarlar.
Hytaýly barlagçylaryň döreden innowasiýa işläp taýýarlamalary fotosinteziň şol bir tebigy proseslerine öýkünýär. Emeli ýaprak plastmassadan ýasalyp, çeýe Gün energiýasy bilen işleýän elektrodlar bilen enjamlaşdyryldy we Günüň hereketine gözegçilik etmäge mümkinçilik berýän suw geçiriji gel bilen örtüldi. Ýapragyň içinde Gün şöhlesi düşende gyzýan uglerod nanoturbajyklary bar. Gyzmagyň netijesinde ýaprakdaky polimer gysylýar-da, ýapragy egýär we ony Güne tarap öwürýär.
Emeli ýaprak suwy wodoroda we kisloroda bölüp biler, bu bolsa ýangyç öndürmek üçin mümkinçilikler açýar. Mundan başga-da, ol ýokary durnuklylygy görkezýär, 65 sagat işlänsoňam, netijeliliginiň 73% -ini saklaýar.
Üýtgeşik aýratynlyklarynyň bardygy sebäpli suwuň aşagynda-da işläp bilýär, adaty Gün elementleri bilen muny etmek mümkin däl.
Entek bularyň ählisi diňe barlag taslamasy we ylym üçekdäki Gün panelleri bilen bäsleşip biljek emeli agaçlary döretmekden heniz uzakda. Mysal üçin, nanoturbajyklaryň ömrüniň gysgalygy meselesini çözmeli. Wagtyň geçmegi bilen olar netijeliligini ýitirýärler we şondan soň ýapragyň Güne bakyşy dogry işlemeýär. Hakyky dünýäde howa şertleri hem mesele döredip biler, ýel bilen suw öndürijiligi çynlakaý çäklendirip biler.
Şeýle-de bolsa, alymlar geljekde adaty tebigy proseslere esaslanýan tehnologiýalaryň Gün energiýasyny öndürmekde has netijeli çözgütler üçin esas bolup biljekdigine şübhelenmeýärler.


düýn 17:28
2.8k+

Marsdan kwars kristallary tapyldy. Olar özünde nämeleri gizleýär?

Perseverance mars roweri Marsdaky Ýezero kraterinden kwars kristallaryny tapdy. NASA-nyň we Ýewropa kosmos agentliginiň (ESA) alymlary olaryň suw bilen baglanyşykly gidrotermiki işjeňlik şertlerinde emele gelen...

15.03.2025 08:21
1.5k+

SpaceX-e bäsdeş: Hytaýyň Starry Sky Glory kompaniýasy gaýtadan ulanylýan raketalary gurup başlar

Hytaýyň Starry Sky Glory kompaniýasy nobatdaky maliýeleşdiriş tapgyryny üstünlikli tamamlap, ýüz millionlarça ýuan toplady. Bu maliýe serişdeleri gaýtadan ulanylýan «Hyperbola-3» raketa göterijilerini öndürmek...

13.03.2025 17:21
2k+

Astronomlar Saturnyň 128 sany täze hemrasyny tapdy, indi onuň 274 hemrasy bar

Doktor Edward Eştonyň (Sinika akademiýasynyň Astronomiýa we astrofizika instituty, Taýwan) ýolbaşçylygyndaky halkara astronomlar topary Saturnyň 128 sany täze hemrasyny tapdy. Indi olaryň umumy sany 274-e ýetýär...

12.03.2025 23:00
4.4k+

Suratçy sinhrotronyň içki gurluşyny surata aldy

Suratçy Çarlz Bruks we Awstraliýanyň Ýadro ylmy we tehnologiýalary guramasynyň (ANSTO) uly fizigi Ýujin Tan adaty bolmadyk zady surata aldylar. Olar Awstraliýa sinhrotronynyň - elektronlary ýagtylygyň tizligine...