Bütindünýä saglygy goraýyş guramasy (BSGG) pes we orta girdejili ýurtlary çagalar üçin rak keseline garşy derman serişdeleri bilen mugt üpjün etjek maksatnamany işe girizdi. Bu başlangyç bu ýurtlarda rak keselinden ejir çekýän çagalaryň arasynda diri galmagyň derejesini ýokarlandyrmaga gönükdirilendir.
Derman serişdeleriniň birinji toplumy eýýäm Mongoliýa we Özbegistana gowşuryldy, ýakyn wagtda bolsa Ekwadora, Iordaniýa, Nepala we Zambiýa iberilmegine garaşylýar.
Maksatnamanyň çäklerinde bu ýurtlardan 5000 töweregi çaga bejergi alar. Geljekde 5-7 ýylyň içinde taslamany 50 ýurda çenli giňeldip, 120 müňden gowrak çaga derman serişdelerini bermek meýilleşdirilýär.
Ilkinji gezek 2021-nji ýylyň dekabr aýynda yglan edilen maksatnama Keramatly Iuda çagalar hassahanasynyň (ABŞ) goldawyny aldy, ol taslamanyň durmuşa geçirilmegine 200 mln dollar bölüp berdi.
BSGG derman serişdeleriniň mugt berilmeginiň taslamanyň synag tapgyry tamamlanandan soň hem dowam etdiriljekdigini kepillendirýär.
