2026-njy ýyldan “Oskar” baýragyna dalaş edýän film döredijileri kartinalaryň önümçiliginde emeli aňyň ulanylandygy baradaky maglumatlary açyp görkezmeli bolar. Amerikan kinoakademiýasy şeýle maglumatlar üçin ýörite forma taýýarlaýar diýip, Variety habar berýär.
Täze düzgünler şu ýazda neşir ediler.
Kino baýragyna dalaşgärler öz taslamalarynda haýsy elementleriň neýroulgamlar tarapyndan döredilendigi barada maglumatlary görkezmäge borçlandyrylar.
Mundan öň “Brutalist” (Бруталист) dramasyny, “Dýuna: Bölüm 2” (Дюна: Часть 2) we “Furiosa: Telbe Maksyň hronikasy” (Фуриоса: Хроники Безумного Макса) blokbasterlerini, “Emiliýa Peres” (Эмилия Перес) mýuziklini, “Bob Dilan: Düýbünden nätanyş” (Боб Дилан: Никому не известный) terjimehal filmini döretmekde EA-nyň ulanylandygy belli boldy.
Geljekki 97-nji “Oskar” baýragynyň gowşurylyş dabarasy 3-nji marta geçilýän gije Los-Anjelesde geçiriler.
