Marvel Entertainment kompaniýasy 4-nji fewralda «Fantastiki dörtlük: Ilkinji ädimler» (Фантастической четверки: Первые шаги) filminiň tizerini hödürledi. Tizer bir günde 202 milliondan gowrak tomaşaçy toplady. Şeýlelikde tizer dowamsyz filmleriň arasynda iň köp tomaşa edilen tizer-treýler boldy diýip, Deadline habar berýär.
Bir günüň dowamyndaky tomaşaçy sany boýunça filmiň tizeri diňe iki filmi geçip bilmedi: «Dedpul we Rosomaha» filminiň treýlerine bir günüň dowamynda 365 million adam, «Möý adam: Öýe ýol ýok» (Человек-паук: Нет пути домой) filminiň treýlerine bolsa 355 million adam tomaşa edipdi.
Şeýle-de bolsa studiýanyň täze filminiň tizeri dowamsyz filmleriň arasynda rekord goýdy. Filmiň tizeri X platformasynda (öňki Twitter) hem birinji orna ýerleşdi.
«Fantastiki dörtlük: Ilkinji ädimler» filmi «Wanda/Wižn» (Ванда/Вижн) serialynyň režissýory Mett Şekman tarapyndan surata düşürildi, ssenariýasynyň ýazyjysy bolsa Joş Fridmandyr.
Filmiň premýerasy 2025-nji ýylyň 25-nji iýulynda bolar.
