Marvel Entertainment kompaniýasy «Fantastiki dörtlük: Ilkinji ädimler» (Фантастической четверки: Первые шаги) filminiň ilkinji tizerini hödürledi. Filmiň premýerasy 25-nji iýulda bolar.
Marvel Studios-yň prezidenti Kewin Faýginiň sözlerine görä, filmiň wakalary Marvel-iň kinematografiki äleminiň (MCU) daşynda 1960-njy ýyllarda bolup geçýär.
«Bu taryhy film. Biz bir illýustrasiýa çykardyk, onda Jonni Ştorm howada uçup, “4” nyşanyny emele getirýär, suratyň burçunda bolsa bir şäheriň görnüşi bar. Köp sanly synçy tomaşaçy, şol şekliň biziň bilýän häzirki Nýu-Ýorkumyza ýa-da biziň dünýämizde 60-njy ýyllarda bar bolan Nýu-Ýorka meňzemeýändigini aňdylar» diýip, prodýuser aýtdy.
Filmiň baş keşplerini Pedro Paskal, Wanessa Kirbi, Jozef Kuinn we Ebon Moss-Bahrah ýerine ýetirýär. Aktýorlar toparynda şeýle-de Juliýa Garner, Ralf Aýneson, Pol Uolter Hauzer, Jon Malkowiç we Nataşa Lionn hem bar.
