Prezident Serdar Berdimuhamedow Täze Zelandiýanyň General-gubernatory hanym Sindi Kiro Täze Zelandiýanyň milli baýramy — Waýtangi güni mynasybetli tüýs ýürekden gutlaglaryny we iň gowy arzuwlaryny iberdi. Bu barada resmi metbugatda habar berilýär.
Döwlet Baştutany ýakymly mümkinçilikden peýdalanyp, General-gubernator Sindi Kiro tüýs ýürekden berk jan saglyk, bagtyýarlyk, abadançylyk, Täze Zelandiýanyň ähli halkyna bolsa parahatçylyk, mundan beýläk-de ösüş, rowaçlyk arzuw etdi.
Waýtangi güni Täze Zelandiýada 6-nji fewralda baýram edilýär. 1840-njy ýylda bu senede Waýtangi derýasynyň kenarynda britaniýalylar bilen Täze Zelandiýanyň ýerli halky bolan maorlaryň arasyndaky gatnaşyklary berkiden ylalaşyga gol çekildi. Bu resminama ýurduň özbaşdaklygynyň we maorlaryň hukuklarynyň esaslaryny goýdy.
