2-nji fewralda Los-Anjelesde geçiriljek “Gremmi” baýragynyň 67-nji gowşurylyş dabarasynda Teýlor Swift alyp baryjy bolar. Bu barada X sosial ulgamynda ses ýazyjy kompaniýalaryň birleşigi habar berdi.
Bu ýyl şüweleň sebitdäki ýangyndan ejir çekenleri goldamaga gönükdiriler. Swift ozal Los-Anjelesdäki ýangyn pidalaryna kömek edýän 10 haýyr-sahawat guramasyna ep-esli kömek goşandyny goşdy, şonuň üçin artistiň alyp baryjy hökmünde saýlanmagy geň däldir.
Geçen ýyl Swift dördünji gezek iň gowy albom üçin “Gremmi” baýragyna mynasyp bolup, rekord goýdy. Bu baýrak oňa jemi 14 gezek berildi.
Swift bu ýyl iň gowy albom, aýdym, ýylyň ýazgysy, aýdym-saz wideosy, pop duet çykyşy we iň gowy pop wokal albomy ýaly nominasiýalarda alty heýkele dalaş edýär. Ol ýeňiş üçin " The Tortured Poets Department " atly albomy bilen bäsleşer.
Dabara Billi Aýlish, Sabrina Karpenter, Şakira we Charli XCX ýaly ýyldyzlaryň gatnaşmagyna garaşylýar.
