Çarşenbe güni, 29-njy ýanwarda Aşgabat wagty bilen sagat 09:08-de Günüň üstünde M1.0 derejeli alawlama hasaba alyndy. Russiýanyň Amaly geofizika institutynyň berýän maglumatyna görä, ol 48 minutlap dowam edip, 3977 (N23E70) Gün tegmilleri toparyndaky rentgen aralygynda ýüze çykypdyr diýip, TASS habar berýär.
Russiýanyň Ylymlar akademiýasynyň Kosmos barlaglary institutynyň Gün astronomiýasy laboratoriýasyndan we Russiýanyň Ylymlar akademiýasynyň Sibir bölüminiň Gün-Ýer fizikasy institutyndan alnan maglumata görä, şol gün ýene iki sany C derejeli Gün alawlamasy hasaba alyndy.
Gün alawlary rentgen şöhlesiniň güýçlüligine görä bäş derejä bölünýär: A, B, C, M we X. Her dereje özünden öňdäki derejeden 10 esse güýçlüdir. Şeýle hadysalar plazma zyňyndylary bilen utgaşýar we Ýerde magnit hadysalarynyň ýüze çykmagyna sebäp bolup bilýär.
