SuperSaf we MrWhosetheBoss atly bloggerler Samsung-yň 2025-nji ýyldaky flagman smartfonyny iPhone 16 Pro Max hem-de geçen ýylky Galaxy S24 Ultra bilen deňeşdirdiler. Galaxy S25 Ultra ýarym garaňky şertlerde Apple-yň flagman smartfonyna garanyňda ýagtylyk boýunça yza galdy we reňkleriň öwüşginini aşa gyzgyn görkezdi diýip, Gizmochina belleýär.
Galaxy S25 Ultra-nyň giň burçly kamerasynyň düşürýän suratlary hem iň soňky iPhone-yň jikme-jiklik derejesine laýyk gelýär. Muňa garamazdan, öýüň sag tarapy S25 Ultra-da has garaňky görünýär.
iPhone 16 Pro Max adatça suratlary 24 MP çözgütde alýar, S25 Ultra bolsa henizem 12 MP derejesinde saklanýar.
Geçen ýylky ýaly, iPhone-yň zumsuz (ýakynlaşdyrmasyz) adaty suratlaryndaky jikme-jiklikler Galaxy-a garanyňda has aýdyň görünýär. Şeýle-de bolsa S25 Ultra 200MP sensor bilen enjamlaşdyrylan, bu ulanyjylara 50MP ýa-da 200 MP režimde surata almak mümkinçiligini döredýär. Bu režimlerde düşürilen suratlar iPhone bilen deňeşdirilende has köp jikme-jiklikleri özünde saklaýar.
Galaxy S25 Ultra-nyň düşürýän suratlary S24 Ultra modelinden kän bir tapawutlanmaýar. Köplenç gündizki ýagtylykda düşürilen suratlarda az-kem gyzgyn öwüşginler göze ilýär, ýarym garaňky ýerlerde düşürilen suratlarda bolsa ýagtylyk biraz pes bolup galýar.
