Balkan welaýatynyň merkezi Balkanabat şäherinde Balkan welaýat Polisiýa müdirliginiň düzümleriniň işgärleri üçin her biri 32 hojalyga niýetlenen 2 sany 4 gatly täze ýaşaýyş jaýlary ulanylmaga berildi. Bu barada "Türkmenistan: Altyn asyr" elektron neşiri habar berýär.
Dabara Halk Maslahatynyň agzalary, Türkmenistanyň Mejlisiniň deputatlary, jemgyýetçilik guramalarynyň, ýaşuly nesliň wekilleri, welaýat Polisiýa müdirliginiň işgärleri, harby gullukçylar, talyp ýaşlar, ýerli ýaşaýjylar işjeň gatnaşdylar.
Ýokary hil ülňülerine laýyk gurlan bu ýaşaýyş jaýlary Türkmenistanyň Senagatçylar we telekeçiler birleşmesiniň agzasy «Alawly türkmen» hususy kärhanasynyň ussat gurluşykçylary bina etdiler. Onuň açylyş dabarasynyň dowamynda hem aýratyn tapawutlanan gurluşykçylara Türkmenistanyň Prezidentiniň adyndan gymmat bahaly sowgatlar dabaraly ýagdaýda gowşuryldy. Şeýle hem şu ýerde täze öýleriň eýelerine olaryň açarlary dabaraly ýagdaýda gowşuryldy.
