Hytaýly zenan bir minutda iň köp turnik çekmek boýunça täze dünýä rekordyny goýdy diýip, UPI ýazýar.
44 ýaşly hytaýly fitnes-bloger Sýe Tin bir minutda 44 gezek turnik çekip, Ginnesiň rekordlar kitabyna öz adyny ýazdyrdy. Bu netije resmi taýdan Hytaýyň Guandun welaýatynda hasaba alyndy.
Öňki rekord 2022-nji ýylda bir minudyň dowamynda 39 gezek turnik çeken amerikaly Inga Simninge degişlidi.
«Rekord goýanam bolsam, men ösüş üçin ýene-de mümkinçiliklerimiň bardygyny bilýän. Indiki gezek has ýokary netijeleri gazanaryn» diýip, Sýe Tin gazanan üstünligine garamazdan, munuň bilen çäklenmejekdigini aýtdy.
Emin agzalary bu üstünligiň hytaýly türgeniň fiziki taýýarlygyny görkezmek bilen, köp adamlary sport bilen meşgullanmaga we täze belentliklere ýetmäge höweslendirýändigini bellediler.
