“Altyn malina” anti-baýragynyň guramaçylary 2024-nji ýylda kino pudagyndaky şowsuzlyklar üçin berilýän baýraga dalaşgärleri atlandyrdy. Baýragyň ýubileý, 45-nji gowşurylyş dabarasy 1-nji martda, “Oskar” baýragynyň öňüsyrasynda geçiriler diýip, Variety habar berýär.
Iň köp – ýedi – nominasiýa alan film “Joker: Iki adamlyk telbelik” (Джокер: Безумие на двоих) boldy. Todd Fillipsiň kartinasy “Iň ýaramaz film”, “Iň ýaramaz sikwel”, “Iň ýaramaz režissýorlyk” ýaly kategoriýalarda dalaş edýär. Baş keşpleri ýerine ýetiren Hoakin Feniks we Ledi Gaga iň ýaramaz aktýorlar hökmünde dalaşgär görkezildi.
“Borderlends” (Бордерлендс), “Hanym Kerep” (Мадам Паутина), “Reýgan” (Рейган) filmleri, şeýle-de Frensis Ford Koppolanyň “Megalopolis” (Мегалополис) filmi alty nominasiýa aldy.
Anti-baýrak 1981-nji ýylda Jon Uilson tarapyndan döredildi. Laureatlar Golden Raspberry Award Foundation gaznasynyň, takmynan, 500 agzasy tarapyndan saýlanýar. Baýrak hökmünde altyn reňk bilen boýalan plastik malina miwesi berilýär. Onuň bahasy 5 dollardanam arzan. Baýragy laureatlaryň hut özüniň alyp gidýän wagty seýrek bolýar.
