Şwesiýanyň demirgazygynda her ýaz paslynda ereýän, birnäçe aýdan soň täzeden gurulýan buzdan täsin myhmanhana – Icehotel gaýtadan açyldy.
500 tonna buzdan ýasalan myhmanhana Ýukkasýärwi etrabynda ýerleşýär. Bina 12 sany art-lýuks otagdan, 20 sany standart otagdan, dabaralar üçin zaldan we 220-den gowrak täsin heýkellerden ybarat.
Myhmanhananyň ähli düzüm bölekleri el işi bolup, dizaýnerler tarapyndan ýasaldy. Her otag özboluşly stil bilen bezelen. Bu ýyldaky heýkelleriň arasynda ar-deko stilindäki “Düýnki ertir” we ýabany tebigata bagyşlanan “Bizi öp” kompozisiýalary aýratyn tapawutlanýar.
Myhmanhana aprel aýyna çenli açyk bolup, soňra tebigy ýagdaýda eräp gider. Şondan soň onuň gurluşygyna täzeden başlanar – bu däp eýýäm 35 ýyldan bäri dowam edýär.
Buzuň üstünde gijeleýin ýatyp bilmejekler üçin myhmanhana, aýratyn ýyly otaglary we kosmos temasy bilen ýyl boýy zyýarata açyk Icebar in Orbit-e baryp görmegi teklip edýär. Bu ýerde myhmanlara ýyladyjy içgiler, maral deriler, galyň düşekler we ýörite joraplar hem hödürlenýär.
