Şu gün, 19-njy ýanwarda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Monako Knýazlygyna sapar bilen ugrady. Bu barada “Watan” habarlar gepleşiginde habar berildi.
Bellenilişi ýaly, türkmen halkynyň Milli Lideri Monako Knýazlygyna ugramazdan ozal, Aşgabadyň halkara howa menzilinde köpçülikleýin habar beriş serişdeleriniň wekilleri bilen söhbetdeş boldy.
Gurbanguly Berdimuhamedow Monako Knýazlygyna sapar bilen barýandygyny aýdyp, bu ýurduň beýleki ugurlar bilen bir hatarda özüni dünýäde sport üstünlikleri bilen tanadandygyny belledi.
2025-nji ýylda Monako dünýäniň sport paýtagty diýlip yglan edildi.
Türkmen halkynyň Milli Lideri şu ýyl Türkmenistan bilen Monako Knýazlygynyň arasynda ýola goýlan diplomatik gatnaşyklara 10 ýyl dolýandygyny belläp, bu saparyň ýurtlarymyzyň arasynda dürli ugurlarda hyzmatdaşlygy ösdürmekde möhüm tapgyr boljakdygyny aýtdy.
