Microsoft korporasiýasy Windows 11 operasion ulgamyna geçmegiň hemişelik mugt boljakdygyny mälim etdi diýip, Windows Latest neşiri habar berýär.
Neşiriň žurnalistleriniň bellemegine görä, 2025-nji ýylyň başynda kompaniýanyň blogynda Windows 10 ulanyjylarynyň çäklendirilen wagt içinde Windows 11-e mugt geçip biljekdigi barada maglumat çap edilipdir. Soňra bu ýazgy pozulypdyr, kompaniýa bolsa bu ýagdaý barada düşündiriş beripdir.
Windows Latest üçin edilen beýanatda IT ägirdiniň wekilleri makalada ýalňyşlygyň bardygyny bellediler. “Windows 11-e mugt täzelemek wagt bilen çäklendirilen teklip däldir” diýip, korporasiýa belläp geçdi. Şeýlelikde, Microsoft, köne operasion ulgamlaryň ulanyjylarynyň islendik wagt çäklendirilmezden Windows 11-e mugt geçip biljekdigini boýun aldy.
Ýatlatsak, Microsoft korporasiýasy güýzde Windows 10 üçin Office programmalarynyň goldawyny bes etjekdigini mälim edipdi. Bu goldaw 2025-nji ýylyň 14-nji oktýabrynda tamamlanar.
