Microsoft matematiki meseleleri çözmek üçin niýetlenen rStar-Math dil modelini hödürledi. Bu model az hasaplama çeşmesini talap edip, ýokary netijeliligi bilen tapawutlanýar.
Bu taslama Microsoft Asia bölümine degişli matematika we emeli aň meseleleri boýunça iş alyp barýan alymlar tarapyndan işlenip düzüldi.
rStar-Math modeli, Monte-Karlo agajynyň gözlegi usulyndan peýdalanyp, meseleleri adam ýaly seljerýär. Model çylşyrymly meseleleri ýönekeý böleklere bölýär we olary tapgyrlaýyn çözýär. Çözgütler Python kody we adaty dil görnüşinde hödürlenýär, bu bolsa olaryň düşnükli bolmagyny üpjün edýär.
Modeliň işlenip düzülmegi Microsoft-yň modul ulgamlary döretmek strategiýasynyň bir bölegidir. Bu ugurda ýöriteleşdirilen kiçi modeller dürli wezipeleri has az çykdajy bilen ýerine ýetirýär.
Microsoft, rStar-Math modelini GitHub platformasynda elýeterli etmegi we bu modeliň has uly taslamalara goşulmagyny maksat edinýär. Kompaniýa matematika we programmirleme ýaly logiki seljermäni talap edýän meselelerde şeýle çözgütleriň geljegiň açarydygyna ynanýar.
