Howpsuzlyk boýunça barlagçy Tomas Rot Chaos Communication kongresiniň 38-nji maslahatynda iPhone 15-iň USB-C arkaly döwülendigini mälim etdi. Çäre barada maglumatlar 2025-nji ýylyň ýanwar aýynda çap edildi diýip, Appleinsider neşiri habar berýär.
Rot iPhone smartfonlarynda 2023-nji ýylyň güýzünden bäri ulanylýan ACE3 USB-C dolandyryjysynyň programmasynda öň hiç kime mälim bolmadyk gowşaklygy ýüze çykardy. Hünärmen dolandyryjyny täzeden programmirläp, daşarky kodlary işe girizmegi we adaty howpsuzlyk protokollaryndan sypmagy başardy.
Rot bu usuldan peýdalanan islendik hakeriň enjamy uzakdan dolandyrmak ýaly birnäçe mümkinçiliklere eýe bolup biljekdigi barada aýtdy. Emma munuň üçin ýörite USB kabeli we smartfona fiziki elýeterlilik gerek.
Bu mesele barada Apple häzirlikçe hiç hili düşündiriş bermedi.
Ýatlatsak, 2024-nji ýylyň 28-nji dekabryndan başlap Ýewropa Bileleşiginde ähli elektron enjamlarda birmeňzeş USB-C portunyň ulanylmagyny talap edýän düzgün güýje giripdi. Bu düzgün elektron galyndylaryň we sarp edijileriň çykdajylarynyň azaldylmagyny göz öňünde tutup kabul edilipdi.
