Nowosibirsk döwlet tehniki uniwersitetiniň (NDTU) alymlary betondaky jaýryklary suratlar we wideolar arkaly anyklap bilýän neýroset döretdiler. Bu tehnologiýa betbagtçylyklaryň öňüni almak we abatlaýyş çykdajylaryny azaltmak üçin ulanylar diýip, Russiýanyň TASS habarlar gullugy habar berýär.
Ulgam emeli aň we maşyn öwrenmesi arkaly işleýär.
“Maşyn öwrenmesi ýaly häzirki zaman tehnologiýalar awtomatlaşdyrylan diagnoz üçin täze mümkinçilikleriň öňüni açýar. Taslamanyň çäklerinde dürli jisimlerden alnan suratlar esasynda uly maglumatlar toplumy jemlendi we esasy neýroset döredildi. Kontur usuly bilen gaýtadan işlenen we bölümlere aýrylan suratlar esasynda oňa betondaky çat açmalary ýüze çykarmagy öwretdim” diýip, döredijisi Nikolaý Obidin aýtdy.
Täze ulgam wideokameralardan gelen maglumatlary seljerip, jaýryklary 95% takyklyk bilen tapýar.
Geljekde bu ulgam uçarmansyz uçýan enjamlarda we suwasty enjamlarda hem ulanylar. Bu bolsa onuň gurluşyk we beýleki infrastruktura işlerinde giňden ulanylmak mümkinçiligini artdyrar.
