14-nji ýanwarda Aşgabatda Türkmenistanyň Milli uýgunlaşma meýilnamasynyň ýerine ýetirilişi barada tegelek stol geçirildi. Çäre Türkmenistanyň Ylymlar Akademiýasynyň Halkara ylmy-tehnologiýa parkynda boldy.
Birleşen Milletler Guramasynyň Türkmenistandaky Ösüş Maksatnamasynyň “Türkmenistanda uýgunlaşmagyň meýilnamalaşdyrylşynyň Milli prosesiniň ösüşi” atly taslamasynyň çäginde geçirilen çärede halkara bilermen hökmünde BMGÖM-iň geňeşçisi Iwan Filyutiçdi çykyş etdi. Tegelek stola Oba hojalyk, daşky gurşawy goramak, saglygy goraýyş we derman senagaty ministrliginiň, Döwlet weterinariýa gullugynyň we Türkmenistanyň suw komitetiniň wekilleri gatnaşdylar.
Duşuşygyň dowamynda ýurduň ykdysadyýetiniň ileri tutulýan pudaklarynda uýgunlaşmagy meýilleşdirmegiň we ileri tutulýan tehnologiýalary saýlamagyň usullary hödürlendi. Şeýle hem Türkmenistanda uýgunlaşmagyň milli prosesiniň ösüşi meýilnamasyny durmuşa geçirmek üçin tehnologiýa geçiriş (transfer) taslamalaryny durmuşa geçirmegiň esasy mehanizmleri hödürlendi.
