Teýlor Swift Billboard neşiri tarapyndan “XXI asyryň top-artistleriniň” sanawynda birinji orunda ýerleşdirildi. Reýting 2000-nji ýyldan 2024-nji ýyl aralygynda Billboard 200 albom we Hot 100 aýdym çartlarynda artistleriň görkezen netijelerine esaslanýar.
Şeýle-de, reýtingiň ilkinji onlugyna Dreýk, Rianna, Post Malone, Eminem, The Weeknd, Beýonse, Jastin Biber, Bruno Mars we Aşer girýär.
Gyzykly ýeri, Teýlor Swift Billboard çartlarynda ilkinji gezek 2006-njy ýylda “Tim McGraw” aýdymy bilen peýda boldy. Şondan bäri onuň 14 albomy Billboard 200-de birinji orny eýeledi, bu bolsa zenanlaryň arasynda rekorddyr. Aýdymçynyň 12 aýdymy Hot 100 çartynyň başyna çykdy.
2022-nji ýylyň 5-nji noýabrynda Swift “Midnights” albomynyň netijesinde aýdymlary Hot 100-üň ilkinji 10 setiriniň ählisini eýelän ilkinji artist boldy. Bu üstünligi ol 2024-nji ýylyň 4-nji maýynda hem gaýtalady, “The Tortured Poets Department” albomyndaky aýdymlar çartyň ilkinji 14 setirini eýeledi.
Mundan başga-da, Swift 2009, 2015, 2023 we 2024-nji ýyllarda dört gezek Billboard tarapyndan “Ýylyň iň gowy artisti” diýlip ykrar edildi we bu kategoriýada şeýle üstünlige ýeten ilkinji aýdymçy boldy.
