Türkmenistanda 2025-nji ýylyň «Halkara parahatçylyk we ynanyşmak ýyly» diýip yglan edilmegine bagyşlanan «Türkmen zenanlarynyň halkara hyzmatdaşlygyndaky we milli gymmatlyklary dünýä ýaýratmakdaky orny» atly dabaraly maslahat geçirildi. Bu barada "Türkmenistan: Altyn asyr" elektron neşiri habar berýär.
Çäre Türkmenistanyň Mejlisi, Türkmenistanyň ÝUNESKO-nyň işleri boýunça Milli toparynyň Sekretariaty, Bilim ministrligi, Türkmenistanyň Zenanlar birleşigi we Döwletmämmet Azady adyndaky Türkmen milli dünýä dilleri instituty tarapyndan bilelikde guraldy.
Çärä onlaýn görnüşinde ÝUNESKO-nyň kafedralaryndan we klublaryndan, ÝUNESKO-nyň assosirlenen mekdeplerine degişli bolan mekdeplerden wekiller, şeýle hem Türkmenistanyň ýokary we orta hünär okuw mekdepleriniň talyplary gatnaşdylar.
Çykyş edenler «Halkara parahatçylyk we ynanyşmak ýylynyň» ähmiýetini we wezipelerini giňden beýan etdiler, türkmen halkynyň Milli Lideriniň işlerinde beýan edilen türkmen halkynyň parahatçylyk söýüjilik ýörelgelerini ara alyp maslahatlaşdylar.
