7-nji ýanwarda Türkmenistanyň Eýrandaky Adatdan daşary we Doly ygtyýarly ilçisi Ylýas Gaýypow Eýranyň Prezidenti Masud Pezeşkiana ynanç hatlaryny gowşurdy. Bu barada Türkmenistanyň DIM-niň saýtynda habar berilýär.
Gowşurylyş dabarasynyň barşynda Prezident Masud Pezeşkian Prezident Serdar Berdimuhamedowa we Türkmenistanyň Halk Maslahatynyň Başlygy Gurbanguly Berdimuhamedowa mähirli salamyny we iň gowy arzuwlaryny beýan etdi.
Döwletara gatnaşyklaryny ösdürmekde iki ýurduň döwlet Baştutanlarynyň özara saparlarynyň ähmiýeti nygtaldy.
Taraplar türkmen-eýran gatnaşyklarynyň hoşniýetli goňşuçylyk, birek-birege hormat goýmak we ynanyşmak ýörelgelerine esaslanýandygyny bellediler.
