Ýaponiýada ägirt tunes ýylyň ilkinji söwdasynda 1,3 mln dollara satyldy

  • 08.01.2025 14:17
  • 13k+
Ýaponiýada ägirt tunes ýylyň ilkinji söwdasynda 1,3 mln dollara satyldy

Tokioda şu ýylyň ilkinji balyk söwdasynda agramy 276 kg bolan gök tunes balygy 207 mln ýena (häzirki hümmet boýunça 1,3 mln dollar) satyldy. Her ýyl geçirilýän bu auksiona gatnaşmak restoran işinde abraýly hasaplanýar we gymmat bahaly balygy dadyp görmäge taýýar köp müşderini özüne çekýär diýip, Kyodo agentligi belleýär.

Guramaçylar şu ýyl tunesiň auksionyň taryhynda ikinji uly netijäni görkezendigini belleýär. Absolýut rekord 2019-njy ýylda, tunes üçin 3,1 mln dollar tölenende goýlupdy.
Balyk 4-nji ýanwarda Aomori prefekturasynyň kenarynda tutuldy. Ony Yamayuki lomaý satyjysy we Sushi Ginza Onodera restoranlar ulgamy satyn aldy. Soňra restoranlarda tunesiň eti bir paý üçin 1160 ýena (7,37 dollar) baha bilen satyldy.
Yamayuki-niň prezidenti Ýukitaki Ýamaguçi iň ýokary bahadan söwda edendigine buýsanýandygyny aýtdy.
Auksion köp ýyllap Sukidzi bazarynda geçirildi, ol ýer ýok edilenden soň, indi söwdalar Toýosu bazarynda geçirilýär.

Dünýäde 100 ýaşa ýeten her 6-njy adam Ýaponiýada ýaşaýar: bu ýerde olaryň sany tas 100 müň
15.09.2025 12:46
10k+

Dünýäde 100 ýaşa ýeten her 6-njy adam Ýaponiýada ýaşaýar: bu ýerde olaryň sany tas 100 müň

Ýaponiýada 100 we ondan uly ýaşly adamlaryň sany 100 müňe golaýlady. Bu barada Ýaponiýanyň Saglygy goraýyş ministrliginiň maglumatlaryna salgylanyp, NHK teleradiokompaniýasy habar berdi. Soňky bir ýylda ýüz ýaşly ýaponiýalylaryň sany 4644 adam artdy, bu hem soňky 55 ýylda iň ýokary artyş boldy...

Ýapon şäheri ýaşaýjylaryny smartfon ulanylyşyny günde iki sagat bilen çäklendirmäge çagyrdy
04.09.2025 11:59
4k+

Ýapon şäheri ýaşaýjylaryny smartfon ulanylyşyny günde iki sagat bilen çäklendirmäge çagyrdy

Ýaponiýanyň Toýoake şäheriniň häkimligi onlaýn garaşlylyga garşy göreşiň çäklerinde ýaşaýjylary smartfon ulanylyşyny günde iki sagada çenli çäklendirmäge çagyrdy. Bu barada The Guardian habar berýär. Şäher häkimi Masafumi Koki bu çäräniň fiziki we psihiki saglyk meselelerine getirip biljek, şeýle-de ukyny bozup bilýän gurluşlaryň aşa köp ulanylmagynyň öňüni almaga gönükdirilendigini düşündirdi...

102 ýaşly ýaponiýaly Fudzi dagyna çykan iň garry adam boldy
23.08.2025 12:41
14k+

102 ýaşly ýaponiýaly Fudzi dagyna çykan iň garry adam boldy

102 ýaşly ýaponiýaly Kokiti Akudzawa Fudzi dagyna çykan iň garry adam hökmünde Ginnesiň rekordlar kitabyna girdi. Adatça, daga çykmak 6 – 10 sagat wagt alýar, ýöne ol organizme agram salmazlyk üçin bu ýoly üç günde geçdi: Kokiti ýürek nogsanlygyndan ejir çekýär...

Ýaponiýanyň üstünden “otly şar” uçup geçdi
22.08.2025 18:57
12k+

Ýaponiýanyň üstünden “otly şar” uçup geçdi

Ýaponiýanyň günbatar prefekturalarynyň üstünden sişenbe güni ýerli wagt bilen 23:00-da ýiti otly şar uçup geçdi diýip, The Guardian habar berýär. Birbada birnäçe sebitiň ýaşaýjylary bu hadysa syn edip, sosial ulgamlarda wideo ýerleşdirdi...