Hytaýly alymlar Ýeriň mantiýasyna ilkinji bolup ýetmegi meýilleşdirýär. Bu maksady durmuşa geçirmek üçin çuňňur suw burawlamasy üçin niýetlenen Meng Xiang gämisi guruldy. China Daily neşiriniň habar bermegine görä, gämi goşmaça ýangyç guýmazdan tas 28 müň kilometr ýol geçip bilýär.
Meng Xiang ady hytaý dilinden terjime edilende “arzuw” diýmegi aňladýar. “Men Sýan” Şanhaýdaky Hytaýyň deňiz taslamalary we gözleg institutynyň inženerleri tarapyndan taslanyldy we Huangpu Wenchong Shipbuilding Co. kompaniýasy tarapyndan guruldy.
Uzynlygy 179,8 metr we ini 32,8 metr bolan gäminiň gysyp çykarýan suwy 42,6 müň tonna barabar. Ol 120 gün awtonom iş üçin niýetlenip, Bofort şkalasy boýunça 16 bala çenli tupana çydamlydyr.
Meng Xiang gämisiniň bortunda geologiýany, geohimiýany, paleomagnetizmi we beýleki ugurlary öwrenýän dokuz sany ylmy barlaghana ýerleşýär. Gämi 11 müň metre çenli çuňlukda burawlamaga ukyply bolup, ýer gabygyny we Ýeriň massasynyň 67%-ine we onuň göwrüminiň (atmosferany hasaba almazdan), takmynan, 83%-ine barabar bolan ýokarky mantiýany öwrener.
