SpaceX-iň we Tesla-nyň ýolbaşçysy Ilon Mask Ýeriň geljegi we kosmos taslamalary baradaky pikirini ýene bir gezek paýlaşdy.
Ol öz çaklamasyny X sosial ulgamyndaky teswirinde paýlaşdy. Ulanyjylaryň biri ýene 5 milliard ýyldan Günüň partlajakdygyny, şonuň üçin diňe Marsy özleşdirilmegiň adamzady halas edip biljekdigini ýazdy.
"Günüň giňelmegi bu döwrüň 10%-ine barabar wagtda Ýeri ýaşamak üçin ýaramsyz hala getirer" – diýip, milliarder oňa jogap berdi. Ýagny, Mask ýene 500 million ýyldan planetamyzdaky ýaşaýyş şertleriniň gaty ýowuzlaşjakdygyna ynanýar.
Milliarder Gyzyl planetanyň özleşdirilmeginiň zerurdygyny ýene bir gezek nygtady.
“Marsy, geçen asyrlarda Amerikany atlandyryşlary ýaly, “Täze dünýä” diýip atlandyrarlar. Gör, nähili ylham beriji başdan geçirme!” - diýip ol ýazdy.
