2024-nji ýylda Steam täze rekord goýdy. Iň uly sanly wideo oýun platformasy 18 825 sany oýun çykardy, bu bolsa geçen ýylda çykarylan 14 311 oýundan ep-esli köpdür.
Platformanyň SteamDB gözegçiliginiň maglumatlaryna görä, bu oýunlaryň 14 888-siniň çäklendirilen statusy bardyr. Bu oýunçylaryň sanynyň ýeterlik däldigi ýa-da satuwyň pes bolmagy bilen baglanyşyklydyr.
Çäklendirilen oýunlary pes hilli kontent hasaplaýan käbir ulanyjylaryň tankytlaryna garamazdan, platforma ösüş görkezmegini dowam etdirýär. Dynç alyş möwsüminde işjeň ulanyjylaryň sany 40 milliona ýetdi.
“Steam Replay 2024” hasabatyna görä, platformanyň ulanyjylary geçen ýyl bilen deňeşdirilende ortaça 20% köp üstünlik gazandylar. Bu bolsa oýunçylaryň halaýan oýunlaryna has köp wagt sarp edýändiklerini we kontenti işjeň öwrenýändiklerini görkezýär.
Bir ýylda ulanyjylar 25 milliard sagatdan gowrak oýun oýnadylar, bu bolsa 2,85 million ýyla deňdir. Işjeňlik derejesi boýunça Demirgazyk Amerika, Ýewropa we Aziýa sebitleri öňe saýlandy. Şeýle hem Aziýada täze oýunçylaryň sanynyň iň ýokarydygyny belläp geçmelidiris.
