Italiýaly arheologlar Pompeýde gadymy rimlileriň gündelik durmuşynyň syrlaryny açmagy dowam etdirýär. B.e. 79-njy ýylynda Wezuwiniň atylmagy netijesinde gömlen şäheriň baý öýleriniň birinde hünärmenler sütünli we reňkli suratlar bilen bezelen zalyň üstüni açdylar.
Jaýyň diwarlary balyk tutmagyň we aw awlamagyň reňkli sahnalary bilen bezelipdir. Suratlarda towuklar, suwda ýüzýän guşlar, käkilikler, ýekegapanlar, şeýle-de kalmar we mollýuskalar bilen örme sebetler şekillendirilipdir.
Zalyň golaýyndan amforalary we önümleri saklamak üçin ammar hökmünde ulanylan otag tapyldy. Bu ýerde kabul ediş üçin iýmit taýýarlanypdyr, bu bolsa şäheriň ýaşaýjylarynyň durmuşy we ykdysadyýeti barada düşünje berýär.
Mundan başga-da, başga bir gazuw-agtaryş ýerinde termopoliýa – çalt iýmitlenmegiň rim binasy tapyldy. Onuň “bar zolagy” mifiki gahrymanlaryň we ähtimal, myhmanlara hödürlenen tagamlaryň suratlary bilen bezelipdir.
Tapylan desgalar kül gatlagynyň astynda örän gowy ýagdaýda saklanan binagärlik we çeperçilik ussatlygynyň ýokary derejesini görkezýär.
