Ýere iň ýakyn aralyga on gatly jaýyň ululygynda we resmi däl “Roždestwo” adyny alan asteroid golaýlaşdy. Onuň diametri, takmynan, 70 metre barabar diýip, Aeronawtika we kosmos giňişligini öwrenmek boýunça milli edara (NASA) habar berýär.
2024 NX-1 asteroidi öz resmi däl adyny 24-nji dekabrda (Aşgabat wagty bilen irden sagat 8 töweregi), katoliki Roždestwo baýramynyň öňüsyrasynda planetamyza golaý gelmegi sebäpli aldy.
Alymlaryň hasaplamalaryna görä, asman jisimi 12 megatonna trotile barabar weýran ediji güýje eýedir, bu bolsa ýüzlerçe ýadro bombasynyň ýarylmagy bilen deňleşýär.
Astronomlar asman jisiminiň planetamyz üçin howp döretmeýändigini belleýär, sebäbi ol 7,21 mln km howpsuz aralykdan uçup geçdi, bu bolsa Aýdan hem 18 esse uzakdadyr. Muňa garamazdan, şeýle asman jisimleri resmi taýdan “howp döredip biljekler” hökmünde toparlara bölünýär.
Asteroid Ýerden eýýäm daşlaşdy. Indiki gezek 2032-nji ýylda ýakynlaşar. 2106-njy ýylda bolsa 3,4 mln km has ýakyn aralykda bolar.
