Google diňe bir çylşyrymly meseleleri çözmän, eýsem öz pikir ýöretmeleriniň gidişini düşündirip bilýän tejribe emeli aň modeli Gemini 2.0 Flash Thinking-i hödürledi. Täze emeli aň maglumatlaryň logiki taýdan gaýtadan işlenmegini güýçlendirmek üçin işlenip taýýarlandy, onuň mümkinçilikleri bolsa ony OpenAI-iň o1 modeliniň gönüden-göni bäsdeşine öwürýär diýip, The Verge habar berýär.
Google-yň täze önümi Gemini Flash 2.0 tehnologiýasynyň netijesinde maglumatlary gaýtadan işlemegiň ýokary tizligini görkezip, “daşyndan pikirlenýär”. Mysallaryň biri emeli aňyň fizika boýunça ýumşy her bir ädimi yzygiderli seljermek bilen nähili çözýändigini görkezdi. Şeýle proses adamyň pikirlenişine meňzeş bolmasa-da, algoritme has çylşyrymly meseleleri has kiçi meselelere bölmäge mümkinçilik berýär, bu hem has takyk we ygtybarly netijelere getirýär.
Başga bir mysalda model tekst we wizual elementleri birleşdirýän ýumşy çözdi.
