Mersedes-Benz awtoulaglarynyň media ulgamlarynda giň gerimli täzelenmeleriň başlanandygyny habar berdi. Kompaniýa ses kömekçisi funksiýasyny emeli aň bilen birleşdirer, bu sürüjilere täzelikler, saglyk, geografiýa we taryh ýaly dürli temalarda söhbetdeşlik geçirmäge mümkinçilik berer.
Täzelenme eýýäm başlandy we ol brendiň üç milliondan gowrak awtoulagy üçin elýeterli bolar diýip, kompaniýanyň tehniki direktory Markus Şefer aýtdy.
Ses kömekçisi ChatGPT we Microsoft Bing tehnologiýalary bilen enjamlaşdyrylandyr. Ol kontekst habarlylygy bilen tapawutlanýar: öňki soraglary ýatda saklaýar we jogaplary düzende olary göz öňünde tutup, aragatnaşygy has tebigy edýär.
Bellenilişi ýaly, täzelenme üç milliondan gowrak awtoulaglara täsir eder. Birinji tapgyrda nemes we iňlis dilleri goldanýar, ýöne geljekde has köp dili goşmak meýilleşdirilýär.
Gizlinligi üpjün etmek üçin gepleşiklerden alnan maglumatlar kompaniýanyň bulut tehnologiýalarynda anonim ýagdaýda saklanýar we bir sagadyň içinde pozulýar.
Täzelenme “howa arkaly” täzelenmeleri goldaýan ulaglar üçin eýýäm elýeterlidir. Birinji tapgyrda bu funksiýa diňe nemes we iňlis dillerini goldaýar. Geljekde dünýäniň ulanyjylary üçin beýleki dilleri goldamagy goşmak meýilleşdirilýär.
