“Türkmennebit” döwlet konsernine Seýdiniň nebiti gaýtadan işleýän zawodynyň önümçilik desgasynyň maddy-üpjünçilik binýadyny mundan beýläk-de pugtalandyrmak üçin degişli işleri geçirmäge ygtyýar berildi. Degişli Karara Türkmenistanyň Prezidenti gol çekdi.
Degişli resminamanyň taslamasyny wise-premýer B.Amanow şenbe güni geçirilen Hökümet mejlisinde döwlet Baştutanynyň garamagyna hödürledi.
Şeýle hem wise-premýer “Türkmennebit” döwlet konserniniň maddy-enjamlaýyn binýadyny mundan beýläk-de pugtalandyrmak, nebithimiýa senagatyny döwrüň talaplaryna laýyklykda ösdürmek babatda geçirilýän işler barada hasabat berdi.
